Dziynnie nowy problem

Problem widać wtedy, kiedy człowiek som jes kajś w środku zamieszania. Nigdy nie paczołech na przikład jak bardzo chropowate jes podłoże w parku, dopóki żech sie nie kupił rolek. Tera kożdo dziura widza z daleka i wiym, że w parku do gładkości daleko. Ale widza to yno skuli tego, że mom rolki na szłapach, a jak popełnia błąd to byda proł enty. Wiadomo zaś, że te enty mogom zniechencić człwieka do dalszyj jazdy.

Podobno sytuacja wydarzyła się na w urzyndzie miejskim we Pszczynie. Kiebych nie polecioł za potrzebom, nigdy bych nie wiedzioł, że pisuar majom tam w antryju. Toć na prawo dziołchy, bo na drzwierzach koło, na lewo synki bo trójkąt, yno co ten pisuar robi w poczekalni, tego nie wiem.

I tak w nowych łokolicznościach wyczaiłech kolejny problem w moim życiu. Bajtel biere pukeltasza i od września bydzie śmigoł do budy. Bez tóż niedowno kapnełech sie, że mimo iż ta mojo dziołcha doś łogrnięto, to sama łazić nie bydzie. Zapora nie do pokonania stanowi ulica Bieruńsko. Sama ulica krziwdy nie zrobi. Zrobi jom za to osobówka na pełnym fechtungu czy załadowano po brzegi ciężarówka. Jak zza górki, zza winkla wyjeżdżajom potwory, to nie roz widziołech jak w potrzasku łostajom i młodzi i starziki. Kożdy blednie i nie bardzo wie czy iś do zadku, czy do przodu ładować sie pod koła. Nikogo nie dziwi już ta krziżówka, miejsce w kerym nawet maluchy usiłujom ruszać z piskiem łopon, bo nojlepij to gibko sie stamtąd ewakuwać. Obserwujonc to, co sie tam dzieje śmia twierdzić, że dobrze byłoby wzionć krzinka dynamitu i w luft to wszisko wysadzić. Nie doś, że dojeżdżają tam wszyscy na pełnym gazie to na dodatek nachodzą się pasy skrętu, nie idzie przihamować kole pasów, bo już ze zadku dojeżdżajom, nie idzie przeleź, bo jadom z wierchu. Aha... i jak moplikiem ftoś przejeżdżo to może mieć problem. Takich malućkich tam zazwyczaj nie widzom. A na bajtli to nikt już nie zwraco uwagi. I dobrze wiym, że bydzie przebudowa. Yno kiedy. Jutro? w grudniu? Popołudniu (w 2012)?

Oby żodnymu nic sie tam nie stało. Złośliwi powiedzom, że zaś sie czepiom i wałkuja drogi. Jednak pojawił sie problem, nie nowy.

lapp