Powiat pszczyński mógłby gospodarzyć Euro 2012

31.05.2007, 12:57

No i jakimś dziwnym trafem momy swoje Euro 2012 – nie sami, bo w bój pójdemy z Ukrainom. Tera jednak nie wiadomo czy sie śmioć, czy beczeć. Działacze w stanie eufori zachowywali sie jak bajtle w piaskownicy – kożdy skokoł, a nikt nie myśloł o tym, że ftoś zmaraszone fuzekle musi doprać. Fajnie, że jedna z nojwiynkszych imprez we fuzbalu bydzie u nos. Yno kaj w ta bala bydom kopać?

Na dziyń dzisiejszy stadion Znicza Jankowice czy Iskry Pszczyna jes tak samo przigotowany do mistrzostw jak kożdy inny, chyba oprócz Ślonskigo .Toć co za różnica czy w miejscu kaj bydom budować nowy łobiekt wcześniej był jakiś gulik, parking, a może niewielki stadion piłkarski. Stolica jak łobliczali kajś w prasie nie do raDy z terminami. Zanim ciepnom sie za wielko budowa mo być już 2010. Nawet w Raichu Alianz Arena budowali dwa i pół roku.
Szkoda wienc, że nasi pszczyńscy działacze nie zgłosili swoich łobiektów. Co za problem połończyć autobanom Pawłowice, Jankowice i Pszczyna. Lotniska – kaj sie nie luknie, tam stojom (Pyrzowice, Balice, Ostrawa). Hotele – jak pijondze na tacy (Ustroń, Wisła, Kraków i łokolica, Katowice). Cugi – śmigajom tam i nazot. Byłaby kasa z Unii to i bana szłoby nowo we Pszczynie wystawić. Momy tyż asa w renkowie – wodopój. Łon dla milionów kibiców, kierych suszy jes na szpicy potrzeb, ale do Tychów to nawet szłapcugiem za dwa kwadransy idzie sie dokulać. Z powrotem tak łatwo już nie bydzie.

Widac wienc, że yno chynci brak, bo dyć infrastruktura wymago jedynie korekty, a stadion dla kilkudziesienciu tysiency to pestka. I nawet jak dzisioj człowiek ni mo cynta przi rzici, jutro może budwać z dotacji. Takie Euro daje niesamowite możliwości. Kożdy sklepik łod masorza po wikliniorza czepie kasiora. Przijezdny, czensto na fazie wykupi najwiynkszo pierdoła. Bele do dom gyszynki z podróży przysmyczyć i familio łobdarować.

lapp

T G+ F

Zobacz także

PKF: za kulisami Euro 2012
PKF: za kulisami Euro 2012
Euro Charity Run 2012
Euro Charity Run 2012
Świąteczny Weekend Zakupów w Pszczynie
Świąteczny Weekend Zakupów w Pszczynie
35 lat Muzeum Prasy Śląskiej
35 lat Muzeum Prasy Śląskiej
Uhonorowani przez Sybiraków
Uhonorowani przez Sybiraków
Pszczyna: Budżet na 2021 rok przyjęty
Pszczyna: Budżet na 2021 rok przyjęty
Apel w sprawie trudnej sytuacji Uzdrowiska
Apel w sprawie trudnej sytuacji Uzdrowiska

Komentarze:

treść:
autor:

SQL: 18