Niech Pszczyna tyż mo swoigo Knuta

31.05.2007, 13:06

Misio Knut, kiery loto po berlińskim zoo, prziciongo niemożebno rasa. A jeszcze niedowno byli tacy, co misia chcieli ukatrupić. Widać jednak, że łostre stanowiska chyntnych do łodprawienia zwierzaka z tego świata zmusiły przeciwników do łopowiedzynia sie w temacie. I tak bez świynta kole klatki Knuta ustawiła sie długo kolejka.

Ciźba, jakij jeszcze w tym łogrodzie zoologicznym żodyn nie widzioł. Sto tauzenów ludzi, porządkowi, kierym prziszło zapanować nad tłumem i bajtliki wypchane łojrasami. Tak robi sie piniondze. Jednym słowym, biznes is biznes. Wczorej mogli napochać i boroka misia zakopać kajś w łogródku, a dzisioj bajtlik pynko w szwach. Stykneło coś takigo, a w ciągu jednych świont do Berlina zawitały dwa miliony ludzi. Nie kożdy prziszeł łobadać, co pocho maluszek, jednak dwugodzinno kolejka pokazuje, że takich było wielu.

Cza chyba marketingowe knify przikludzić i do nos. Dyć jak we Pszczynie stanie już ta wyczekiwano zagroda, tako zagrywka może sparaliżować miasto. Nojważniejsze coby muterka żubrzyca spodziewała sie potomka. Ogłosi sie, że znodli sie śmiałkowie, co mogom żubra klupnońć z młotka w dyniacza, łoczywiście na niby i jak naród zaskoczy, to sprawa załatwiono.

Przindzie na pewno łodeprzeć atak zielonych, jednak już atak turystów to czysto przijemność. Zanim jednak do tego dondzie, należy zadbać o łodpowiednio infrastruktura. Nie można se pozwolić na sytuacja, że z Warownej nie póndzie ani wyjechać, ani na nia wjechać. Już tera widać, co tam sie dzieje. Ulica wokół rynku, wonsko, ciynko i krótko. Jednak długość ulicy jest nieadekwatno do liczby furiatów za kółkiem. Nie godajonc, że miejsc parkingowych u nos jak nudli w ślonskim żurku - czszi na krziż (te co bez przipadek wpadły ze somsiydniego gorka). Teraz jednak ni ma co sie martwić na zapas. Niech zaatakujom nos turyści z kożdej flanki, a wtenczos bydzie szło łocenić, co nawalo w cołkim mechanizmie. Łod przybytku łep nie boli. Na bóle idzie znojś łodpowiednie lyki, cza ino wystawić łodpowiednio diagnoza. Ino dochtora nie wolno pomylić...

lapp

T G+ F

Zobacz także

Zawodniczki UKS Plesbad Klubowymi Mistrzyniami Polski w badmintonie
Zawodniczki UKS Plesbad Klubowymi Mistrzyniami Polski w badmintonie
Słoneczny Tydzień niech trwa cały rok
Słoneczny Tydzień niech trwa cały rok
Świąteczny Weekend Zakupów w Pszczynie
Świąteczny Weekend Zakupów w Pszczynie
35 lat Muzeum Prasy Śląskiej
35 lat Muzeum Prasy Śląskiej
Uhonorowani przez Sybiraków
Uhonorowani przez Sybiraków
Pszczyna: Budżet na 2021 rok przyjęty
Pszczyna: Budżet na 2021 rok przyjęty
Apel w sprawie trudnej sytuacji Uzdrowiska
Apel w sprawie trudnej sytuacji Uzdrowiska

Komentarze:

treść:
autor:

SQL: 18