Inwazja agyntów

13.02.2007, 16:49

Jako jes łostatnio najwjynkszo łobelga, wydowo sie pedzieć kamratowi ty podły agyncie”. Słowo łodmieniane bez kożdy przipadek i łosoba (z agyntem, ło agyncie, te agynty i te łone).

I zarozki widać - najlepij swojigo rewiru nie łopuszczać, bo im dalyj łod hajmatu, tym wjynksze szmary idzie zebrać. Jak keryś siedzi na zicu we Studzionce, Pszczynie abo kajś suszeckie piastuje zice, to je gość. Jak yno wypłynie na wyżyny, pokoże sie w ancugu, pjykno mowa wygłosi to łostaje yno czekać. I nojpywnij tyż wyndzie, że i łon zasiloł szregi tajnos agyntos.

Słowo jednak nie zawsze nafaszerowane negatywnie, chociaż prziszło nom żyć w czasach, kiedy wielko kryska wytyczo i dzieli świat na tych dobrych i tych, kierzy na usługach potworów życie zbudowali. Niestety małoprecyzyjne łokreślynia „na kontakcie, niedokładne zapiski w papiórach powodujom, że co drugimu zarzucajom, że jes umoczony. My modzi ło nienajwjynkszym stażu na tyj kuli ziemskij błonkomy sie i kożdy na swój sposób próbuje poukładać sie to wszisko. Czy pora rozliczeń to jes czy nie, jes wielkopomno chwila. Nadużycie słowa „rozliczanie” wywiero czasami jakoś dziwno awersja. Im wjyncej godajom tym jeszcze wjynksze psinco i wjyncej ambarasu. Spawa nie najprostszo ale czasami lepij manele w chaupie łostawić i pyska za dźwiyrza nie wystawiać, bo mogom dobre imie splugawić. W tych sprawach mało fto wie kaj leży prowda.

Wiarygodność to słowo co we wielkij polityce traci łostatnio na znaczeniu. Czasami wienc lepij kibel byłoby na łep nałożyć i papindeklem łowinońć dla nie poznaki, niźli po placu lotać i wenszyć, i zarzucać, i podjudzać, i zastraszać, i życie rujnować. Z tymi zarzutami ło agenturze ni ma sie co ciepać i pieklić, bo może sam nie taki bebok straszny jak go malujom.

Ku uciesze śmia twierdzić, że agynci to nie same potwory - som agynci łod ubezpieczynia, nawet som jawnie działajonce agyncje kaj pracownicy za robota dostowajom geltag, a nikogo z pejcza nie traktujom - agyncje prasowe. Som tyż agyncje towarzyskie - nie kożdy preferuje i popiero jednak tam teczek pod pryczom na nikogo ni ma. Som tyż agyncje rozwoju, agyncje fotograficzne, restrukturyzacji - a jak wiadomo w agyncjach fedrujopm agynci abo i agyntki. Som tyż lotne ekipy - ale im godajom trójki. A w końcu to łoni na swój sposób edukacyjne środowisko filtrujom.

Piotr Łapa

T G+ F

Zobacz także

Paranienormalni – „Z chumorem czeba żyć!”
Paranienormalni – „Z chumorem czeba żyć!”
V edycja Festiwalu Jazz i Literatura
V edycja Festiwalu Jazz i Literatura
Plac zabaw w Jarząbkowicach już gotowy!
Plac zabaw w Jarząbkowicach już gotowy!
Zamiast posesją "zaopiekował się" alkoholem
Zamiast posesją "zaopiekował się" alkoholem
Trójkołowce oraz riksze w systemie rowerów miejskich?
Trójkołowce oraz riksze w systemie rowerów miejskich?
Rowerzysta wpadł pod samochód - policja szuka świadków
Rowerzysta wpadł pod samochód - policja szuka świadków

Komentarze:

treść:
autor:

SQL: 18