Artur- łobrabiacz dziołchów

10.08.2006, 15:10

Tak żech sie łostatnio uznoł, że jak ftoś yno wie ło zagrożeniach jakie czychajom na nos ziemian to najlepij niech łod razu bije na alarm. Dyć czamu inni majom łostać łofiarom tego samego przestempstwa. Przeca dzisioj świat to tako dżungla w kierej zza kożdego krzoka może nom na pukiel skoczyć jakoś wygłodniała puma. A nik ni ma zaś takim Tarzanem coby z kożdym zwierzem żyć za pan brat.

Coroz czynścij słyszy sie, że w sieci wzrasto liczba takich dzikich zwierzów, a kożdy kombinuje na rostomaite sposoby. Jedni nabijajom bajtlik sprzedowajonc coś na internetowych aukcjach, a przi łodbiorze kupujoncy podziwio pjyknie zapakowane cegły, inni zaś próbujom łoszkubać konta bez internet, a jeszcze inni wykorzystujom fora i chaty. I tukij cza łoszczec wszyskie dziołchy ze Pszczyny i cołkiego powiatu. Znod sie łostatnio synek - jak som sie przedstawioł Artur, kiery wzion sie za łobrabianie dziołchów.

Loguje sie taki pieron na randkowych chatach i wdowo sie w godka. Z tego co ustalili polismeni chop zgrywo informatyka-luzaka szukajoncego frelki na chwila coby sie pobaraszkować. Jes tyż drugo znano wersja - samotny romantyk szukajoncy drugij połowicy. Wiele kobitek synek podszeł, bo nadziały sie na szprytne kity i uwierzyły w jego głodne godki. Przilazły w umówione miejsce. Kolacja, nastympnie nocleg w hotelu, a późnij coś jakby uderzenie trepem w łoba policzki. Czamu? Bo chop zwioł z bajtlikami, kasom i kartami kredytowymi. Łofiarom łostawioł na pamiontka jedynie rachunek za hotel, yno że do zapłacynia. Zdowo się, że Arut to wyjontkowo przebiegły chachor i fto wie czy aby nawet Chuk Norris nie dołby sie nabrać na słodziutkie ślypia. Yno że Chuk ni mo problymów, bo łon mo swój półobrót. Nom zaś pozostaje zwiynkszono czujnoć i ślypia dookoła łepy.

ez

T G+ F

Zobacz także

Artur Partyka w Pawłowicach
Artur Partyka w Pawłowicach
Zagrali i zachwycili jurorów  Must Be The Music!
Zagrali i zachwycili jurorów Must Be The Music!
Świąteczny Weekend Zakupów w Pszczynie
Świąteczny Weekend Zakupów w Pszczynie
35 lat Muzeum Prasy Śląskiej
35 lat Muzeum Prasy Śląskiej
Uhonorowani przez Sybiraków
Uhonorowani przez Sybiraków
Pszczyna: Budżet na 2021 rok przyjęty
Pszczyna: Budżet na 2021 rok przyjęty
Apel w sprawie trudnej sytuacji Uzdrowiska
Apel w sprawie trudnej sytuacji Uzdrowiska

Komentarze:

treść:
autor:

SQL: 18